شباب الهلاقة

طول عمري اسمع المثل إلي يقول ( يعلم الصلاة و ما يصلي ) اعتقد المثل يناسب المقال إلي بكتبه بنسبه 50% من أكثر الأشياء التي تجعلني استغرب إن يكون شخص لا علاقة له بموضوع ما و يفتي فيه.

شاهدت أمس برنامج على قناة العدالة اسمه ( شباب العدالة ) يتكلم عن الشباب وطموحهم وانجازاتهم و و و نفس أي برنامج يتطرق لهذه المواضيع بغض النظر عن سلبيات البرنامج إلي لها أول ما لها أخر هذا إذا كان في ايجابيات بالأساس ،

لا أضاءه سنعه ولا ديكور لا إعداد كلام صراخ ماكو تواصل بين الموجودين يختلفون في آراءهم بس عشان يتكلمون ويتكلمون عن الفوضوية على أساس أنها شي سلبي ولازم نتحاشاه ، والي قاعد يصير بالبرنامج شنو مو فوضويه وا عجبي :)

الجملة إلي خلتني استوقف ورآها إلف مره عن انه سيارة واحد من الموجودين إلي يسمي نفسه مذيع واهو خريج ديكور بالمعهد العالي للفنون المسرحية ( سنع ديكور البرنامج هذي وضيفتك ) يتكلم عن سيارته انه فيها عدد كبير من الملابس و الاحذيه و الكماليات الجملة مثل ما قالها المذيع المزعوم ( ابد سيارتي صارت سيارة فوازير) إنا مستغرب من كذا شي أول شي، أول مره في حياتي اسمع هذا الوصف ثاني شي هل هذا الوصف يصدر من رجل يوصف نفسه فيه + انه هذا الوصف مو مناسب للموضوع أساسا شنو يعني سيارة فوازير ابي احد يوضح لي ؟ بس اقول الله يهداك ونسمع في رمضان بعد الي ياي انك تشارك الفنان باسم فغالي في فوازير رمضان.
لا، المذيعة الحبوبه إلي مادري من أي جالية عربية يايه؟ تتقن اللهجة الكويتية وتتكلم كانت عن الموضة و الفوضويه والحين برجع للمثل إلي ذكرته في السابق
( يعلم الصلاة و ما يصلي ) يعني تتكلم عن الموضة و ما تدري عنها بس ليش إنا ذكرت نسيه 50% لأنه مو بس تتكلم عن الموضة وما تعرف عنها شي لا الحبوبة واثقة أنها استايل ومرتبه وغير فوضويه لا ماكياج سنع او مناسب حق عمرها او شكل البرنامج والصبغة الله يعافيني والبس ماكو تناسق أبدا مثل ما سمها صاحبي الي كان يشاهد الرنامج معاي ( زرزور منقش ) يبيلي مقال ثلاث صفحات أتكلم عن شكلها وإشكال إلي معاها الشباب إلي ما كلفوا عمرهم يشترون موس حلاقه يحلقون بالبيت و يوفرون 400 فلس للحلاق ، أنا ما أقول إلا الشرهة على هالاعلام الفاشل إلي كل من هب ودب سوا فضائيه يمع فيها زباله المجتمع إلي صار مذيع والي صار معد والي صار مخرج منغير ما يملك ما يؤهله لذلك ولا ابسط الاساسيات الي تخليه يصير بالمكان المناسب وجميعهم همهم اثنين المادة والشهرة ( خو الماده لا بختلف عليها اثنين اشلون تيبها تحفر بالصخر أو تكون سفيه مثل هالناس المهم تطلع فلوس ) بس الشهرة إلي محد قادر يفهمها صح ومحد قادر يسويها صح ، لي طلعت بالتلفزيون صرت مشهور أو مشيت بمجمع وشفت اثنين يتهامسون من بعيد عني بالصح وله بالخطاء قلت وصلت للشهرة خلاص الكل يعرفني ( ليس الفتى من قال كان أبي بل الفتى من قال ها إنا ذا ) باريت بس نفهم انه مو شرط نكون مشهورين أو معروفين المفروض نكون مشهورين بشنو معروفين بشنو شالي قدمته عشان تطلع و تتكلم وتكون موجود بالاعلام ومسلط عليك الضوء وعلى أي أساس تكون أنت قدوه وتتكلم عن الموضة وأنت ما تفهم شي فيها و تتكلم عن الفن وأنت ما عندك احساس بالفن وتتكلم عن الرياضة وأنت مكرش، اين المصداقية؟؟

يا حلوه روحي شوفي لج استايلست ونقصي من وزنج 25 كيلو وحطي ماكياج يناسب عمرج ولبسي لبس نفس الاوادم ماعليه بتزعلين المحاميد منج دام انتي زبونه مخلصه عندهم بس التغير مطلوب بعدها نسمح لج تتطرقين عن موضوع الموضة بس ما تتكلمين عنه بإسهاب على قدج من بعيد لي بعيد